SAIDA MAK FILOSOFIA ? TAMBA SA ITA ESTUDA FILOSOFIA ? ESTUDA FILOSOFIA ATU HALO SAIDA ?

 SAIDA MAK FILOSOFIA ? TAMBA SA ITA ESTUDA FILOSOFIA ? ESTUDA FILOSOFIA ATU HALO SAIDA ?

Mahusuk  hotu ne’ebé haktuir iha leten mak sai nu’udar mahusuk  ida ne’ebé  fundamentu  ka importante tebes ba ema/ita sira ne’ebé mak daudaun ne’e hala’o Estudu iha Faculdade Filosofia no mos sira ne’e mak foin atu hahú estuda ka aprende hamutuk  iha Faculdade Filosofia !!!

Iha Pájina ida ne’e hau hakarak fahe hau nia hanoin balun ba hotu-hotu konaba saida maka hau aprende durante ne’e iha hau nia jornada estudu nian iha faculdade ida ne’e . Relasiona ho mahusuk sira hotu iha leten hau hakarak halo esplikasaun balun hodi fo resposta ka hatan ba mahusuk hotu iha leten tuir Perspektiva hau nian no mos Filózofu balun .

Saida mak Filozofia ?

Uluk liu ita hotu presiza hatene lai konaba saida maka Filozofia ne’e rasik. Filozofia ! Liafuan ida ne’ebé mais fasil ba ema hotu atu koalia maibé susar uitoan e talvez susar bo’ot ba ema hotu atu hatan ka fo resposta.

 Tuir matenek nain BENITO PEPE dehan katak Filozofia mak HANOIN (Pensamento), REFLESAUN(Reflexão), MAHUSUK (Questinamento) no mos PRODUSAUN (Produção). Nia dehan katak  atu dehan Produsaun bainhira iha momentu ita entende ona konaba saida mak produsaun ne’e rasik.  Ne’eduni nia haktuir katak produsaun maka “modifika ka transforma  Ser ida ba ser seluk/ sasan ida ba sasan seluk (Moficar algo em outro algo ou ser em outro ser)”.

Tuir hau nia hanoin/ hau nia estudu , Filozofia ne’e hanesan :

Hanoin ho modu krítiku, rasional no lójika ( pensar em modo crítico, racional e lógica), katak hanoin buat hotu husi Pontus oi-oin,  ka hanoin ho fundamentu ba problemas hotu.

 Reflesaun

 Analisa problema ho profundu no fo resposta ba problema sira ne’ebé siensia seluk labele resposta

Inan ba siensia hotu (matter scientiarum), katak nia fo hanoin hodi siensia seluk esperimenta.

Matter scientiarum/inan ba siensia hotu ou daudaun bolu inter-disiplinar.

Definisaun balun ita konsege hare’e ona, sei iha mos definisaun seluk tuir ita bo’ot nia perspective no mos sira seluk.  Tuir mai ita ba hatene tambasa maka ita  aprende filozofia ?

Dala wa’in ita rona kona Mitos (Lia falsu) sira ne’ebé akontese iha sosiedade ka komunidade nia le’et , maibé ita lahatene oinsa atu tetu no halo analiza ho rasional ba mitos sira ne’e hotu ho profundu. Ita uza mitos sira ne’e hotu nu’udar ita nia kultura ida hodi habosok malu iha ita nia le’et.(Exemplu ki’ik liu maka konaba ita nia Fiar (deskulpa kahur teolojia uitoan), as vezes ita lahatene tamba sa maka ita fiar ba ai, fatuk, uma lulik, nsst. Tan ita lahetene nia prossesu tomak).

No ida seluk mos ita sempre rona perguntas ka mahusuk sira ne’ebé mais fasil ita rona maibe difisl ita resposta (por ezemplu : Tamba sa ita moris , ita moris atu halo sa, no moris ne’e ita atu ba los ne’ebé no perguntas sira seluk tan). Perguntas hirak ne’e hotu Perguntas Filozofia . Neduni ita aprende ka estuda filosofia atu fo resposta no krítika ba perguntas no mitos hirak ne’e hotu ho  hanoin ne’ebé  krítiku, fundamentu, lójika, koerensia, sistemátika no rajoavel. Mais simples katak ita estuda filozofia atu oinsa ita bele hatu’ur ka tau ita nia aan ho lolos (Moris ho dignidade).

Ita estuda Filozofia atu halo saida ?

Mahusuk ida ne’e difisil tebes mai hau atu hatan, maibé bazeia ba defnisaun hotu iha leten hau bele hasai hau nia sinteze  ida hodi dehan katak :

Estuda filozofia atu bele muda moris (at ba diak, sala ba los, injustisa ba justisa nst).

Estuda filozofia laos deit atu halo saida maibe halo saida ba sé (uza ita nia pesamentu hodi kria rasik serbisu).

Filozofia leno ita nia ain fatin hodi hasoru futuru ne’ebé los ka mos liu (ita tub a ne’ebé ?)

 Ne’e hanesan hau nia hanoin (pensamentu) no koñesimentu konaba mahusuk hotu ne’ebé mensiona iha leten !!! karik la korkorda hamosu krítikas, karik la kompletu fo sujestaun, karik sala kurije !!! hamutuk ita halo los hodi buka lialos, tan Filozofia hanorin ita oinsa buka lialos (verdade). Filosofia mak domin ba matenek no lialos !!! no ita bo’ot sira ne’ebé kontribui ideias ne’e maka ema ne’ebé hadomi lialos (Filozófu…..)!!!!